“Аккумулятор Технологияларындагы Соңку Жаңылыктар” Семинары Өткөрүлдү
2025-жылдын 8-декабрында Кесиптик колледжибиздин окутуучусу М. Селим Елмали тарабынан «Аккумулятор технологияларындагы соңку жаңылыктар» аттуу семинар уюштурулду. Семинарга катышкан угармандар аккумулятор технологияларынын тарыхы, бүгүнкү күндөгү колдонулушу жана келечектеги өнүгүүлөрү тууралуу кеңири маалымат алышты.
Семинарда биринчи кезекте аккумуляторлордун кыскача тарыхы каралды; биринчи мезгилдеги колдонулушу, өнүгүү процесси жана технологиялык өзгөрүүлөр катышуучулар менен бөлүшүлдү. Андан соң бүгүнкү күндө колдонулуп жаткан аккумулятор түрлөрү жана технологияларына токтолуп, замандын талабына ылайык колдонулуучу технологиялар, колдонуу чөйрөсү жана техникалык өзгөчөлүктөрү тууралуу маалымат берилди. Семинарда ошондой эле келечекте жашообузга кире турган аккумулятор технологиялары жана жаңы муун системалары тууралуу маалыматтар берилди; бул технологиялардын туруктуу энергиялык чечимдерге жана күнүмдүк жашообуздагы ыңгайлуулуктарына көңүл бурулду.
Иш-чара катышуучулардын энергия сактоо технологиялары боюнча актуалдуу билим деңгээлин жогорулатууга салым кошуп, ийгиликтүү аяктады.
.jpeg)
