Факультетибиздин студенттери тарабынан өстүрүлгөн органикалык козу карындардын түшүмү жыйналды
2025-жылдын 2-июнунда Кыргыз-Түрк “Манас” университетинин күнөсканаларында Айыл чарба факультетинин студенттери тарабынан өстүрүлгөн органикалык козу карындардын түшүмү алынды. Бул долбоор студенттердин практикалык билимин чыңдоо максатында уюштурулуп, туруктуу айыл чарба ыкмаларын үйрөнүүгө чоң мүмкүнчүлүк түздү.
Түшүм жыйноо иш-чарасына КТМУнун ректору, профессор Алпаслан Жейлан, проректор, профессор Режаи Доган, башкы катчы, профессор Исмет Алтынташ, айыл чарба факультетинин деканы, профессор Ахмет Айгүн жана факультеттин окутуучулары катышты.
Иш-чарада сүйлөгөн сөзүндө Ректор профессор Алпаслан Жейлан студенттердин практикалык билимге аралашуусу алардын кесиптик өнүгүүсү үчүн өтө маанилүү экенин баса белгилеп, мындай долбоорлор университет менен өндүрүш тармагынын кызматташтыгын бекемдээрин белгиледи. Ошондой эле органикалык айыл чарбасын жайылтуу жана ден соолукка пайдалуу азык өндүрүүнүн маанисине токтолду.
Органикалык козу карын өстүрүү долбоору Айыл чарба факультетинин студентке багытталган жана практикага негизделген билим берүү философиясынын ийгиликтүү мисалы катары бааланды. Жыйналган түшүм университет ичинде колдонулуп, ар түрдүү илимий изилдөөлөрдө пайдалануу да пландалууда.
